Þeir sem vinna við eitt og annað tengt holræsum eru ekki óvanir að sjá rottur enda líkar þeim vel að búa í holræsum. En þeim brá nú örlítið í brún mönnunum sem voru nýlega að vinna við holræsakerfið í Mexíkóborg. Þar rákust þeir á sannkallaða risarottu og drógu upp úr holræsinu.

Þeir áttuðu sig nú fljótt á að þrátt fyrir að dýrið liti út eins og venjulegar rottur þá var ekki um lifandi eða dauða rottu að ræða heldur grímubúning sem hafði líklegast endað ofan í holræsinu eftir miklar rigningar og flóð í borginni nýlega. La Vanguardia skýrir frá þessu.

Myndbandi af rottunni hefur mikið verið deilt á Twitter og hefur að vonum vakið töluverða athygli en margir virðast ekki átta sig á því strax að ekki er um alvöru dýr að ræða.

#Urgente localizan rata gigante, esta botarga fue hallada taponeando un canal de aguas negras de l alcaldía Magdalena Contreras en la #CDMX pic.twitter.com/LCvt166ykt

— Fernando Cruz (@reporterofrank) September 19, 2020