fbpx
Miðvikudagur 08.júlí 2020
Pressan

32 afgerandi mínútur í máli Anne-Elisabeth – Hvað gerðist á þessum mínútum?

Kristján Kristjánsson
Fimmtudaginn 14. maí 2020 07:00

Heimili Hagen-hjónanna.

Ekki missa af Helstu tíðindum dagsins í pósthólfið þitt

Lesa nánar

Hvað gerðist í einbýlishúsinu við Sloraveien 4 í Lørenskog þann 31. október 2018? Þetta er spurningin sem lögreglan hefur reynt að finna svar enda er þetta lykilatriðið til að leysa ráðgátuna um hið dularfulla hvarf Anne-Elisabeth Hagen. En hálfu öðru ári síðar virðist lögreglunni ekki hafa orðið mikið ágengt.

Lögreglan hefur kortlagt þennan örlagaríka dag mínútu fyrir mínútu en þó standa 32 mínútur eftir en svarið við hvað gerðist er væntanlega að finna á þessum mínútum. VG segir að lögreglunni hafi ekki enn tekist að slá því föstu hvenær Anne-Elisabeth var numin á brott eða drepin.

Eiginmaður hennar til 40 ára, Tom Hagen, og faðir þriggja barna þeirra er grunaður um aðild að málinu en hann neitar að hafa nokkra vitneskju um örlög eiginkonunnar. Þegar hann kom heim eftir hádegi þennan dag var Anne-Elisabeth horfin og síðan hefur ekkert til hennar spurst.

Lögreglan veit að Tom fór akandi til vinnu um morguninn. Margar upptökur af akstri hans til vinnu eru til úr eftirlitsmyndavélum en leiðin er stutt.

Anne-Elisabeth Hagen.

Vitað er að Anne-Elisabeth sendi sms um klukkan 9 og vitað er að hún ræddi við samstarfsmann Tom í síma klukkan 08.56. Klukkan 09.14 hringdi hún í ættingja og ræddi við hann í nokkrar mínútur. Rúmum hálftíma síðar hringi rafvirki í hana en hún svaraði ekki. Lögreglan hefur alla tíð talið að þessar 32 mínútur séu afgerandi fyrir lausn málsins.

Vitað er að á meðan Anne-Elisabeth talaði í símann var bíl ekið eftir göngustíg aftan við húsið. Upptaka af bílnum náðist á eftirlitsmyndavél í nágrenninu. Ekki hefur tekist að hafa uppi á bílnum eða þeim sem ók honum.

Myrt í húsinu

VG segir að Tom hafi ítrekað hringt í eiginkonu sína þennan dag og varð að sögn mjög áhyggjufullur þegar hún svaraði ekki. Um klukkan hálf tvö var hann orðinn svo órólegur að hann fór heim til að kanna hvort eitthvað væri að. Hún var ekki í húsinu þegar hann kom heim og hann leitaði að henni og hringdi í síma hennar. Þetta sagði hann lögreglunni þegar hann tilkynnti um hvarf Anne-Elisabeth.

Á heimilinu fundust hótunarbréf þar sem lausnargjalds upp á níu milljónir evra var krafist fyrir lausn Anne-Elisabeth. Það átti að greiða með rafmynt.

Anne-Elisabeth og Tom Hagen.

Nýlega skýrði lögreglan frá því að hún telji að Anne-Elisabeth hafi verið myrt í húsinu og síðan hafi gerandinn eða gerendurnir haft lík hennar á brott með sér.

Svein Holden, verjandi Tom, hefur sagt að Tom hafi skothelda fjarvistarsönnum á þeim tíma sem lögreglan telur að Anne-Elisabeth hafi verið myrt. Hann telur auk þess að gögn lögreglunnar sanni ekki með óyggjandi hætti að Anne-Elisabeth hafi verið myrt í húsinu. Það sé alveg eins líklegt að það hafi verið gert eftir að hún var flutt úr húsinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Air France leggur 7.500 störf niður

Air France leggur 7.500 störf niður
Pressan
Í gær

Vill komast á þing en segir að Beyoncé sé ítalskur lygalaupur sem tilbiðji djöfla

Vill komast á þing en segir að Beyoncé sé ítalskur lygalaupur sem tilbiðji djöfla
Pressan
Fyrir 2 dögum

Mörgæsir á Suðurskautinu eru hamingjusamari með minni hafís

Mörgæsir á Suðurskautinu eru hamingjusamari með minni hafís
Pressan
Fyrir 2 dögum

Coca-Cola rýfur 126 ára gamla hefð

Coca-Cola rýfur 126 ára gamla hefð
Pressan
Fyrir 3 dögum

Þrír létust og einn missti sjónina eftir að hafa drukkið handspritt

Þrír létust og einn missti sjónina eftir að hafa drukkið handspritt
Pressan
Fyrir 4 dögum

Faðir myrti 14 ára dóttur sína – Málið vekur mikla ólgu í Íran

Faðir myrti 14 ára dóttur sína – Málið vekur mikla ólgu í Íran