Breskir sjónvarpsáhorfendur hafa varla haldið vatni yfir frammistöðu hinnar 12 ára Fayth Ifil í undankeppni Britain‘s Got Talent. Þættirnir voru teknir upp áður en heimsfaraldur COVID-19 braust út en það er núna fyrst verið að sýna þættina og er óhætt að segja að Fayth hafi tekið bresku þjóðina og heimsbyggðina með trompi með glæsilegri frammistöðu sinni.

Fayth söng gamla Creedence Clearwater Revival slagarann Proud Mary og miðað við frammstöðu hennar er ljóst að hér er óvenjulega hæfileikarík stúlka á ferð.

Hún gaf allt í flutning lagsins og kannski má segja að ummæli David Walliams, eins dómaranna, lýsi best þeim áhrifum sem flutningur Fayth hafði á fólk:

„Stundum, mjög sjaldan, kemur einhver upp á sviðið og það eina sem þú hugsar með þér er að þeir séu fæddir til að verða stórstjörnur.“

Eins og sjá má í myndbandinu hér fyrir neðan er Simon Cowell einnig heillaður af Fayth.