„Ég hef svo miklar áhyggjur af framtíðinni. Ég hef bara ekki hugmynd um hvað mun gerast.“
Hefur Daily Star eftir Debbie Ellen sem á barinn Sun Deck í Cala Millor. Framtíð hennar og tveggja barna hennar er í lausu lofti eftir gjaldþrotið. Margir aðrir eru í sömu stöðu og hún.
Mörg stór ferðamannasvæði, til dæmis Magaluf og Calla Millor, eru algjörlega háð breskum ferðamönnum og án þeirra hefur fólk ekkert til að lifa af.
Thomas Cook, sem var stærsta ferðaskrifstofa heims, varð gjaldþrota eftir áralangan taprekstur.
Talið er að allt að 500 hótel á Spáni neyðist til að loka fyrir fullt og allt vegna gjaldþrostins.