Að minnsta kosti 69 manns, þar af mörg börn, hafa látist af völdum eldgoss í De Fuego eldfjallinu sem er í um 40 km fjarlægð frá höfuðborginni Guatemala City. Hraunstraumur skall á heimilum margra og varð þeim að bana. Aðeins hafa verið borin kennsl á 17 lík til þessa og segja yfirvöld að fólk verði að búa sig undir að það muni taka langan tíma að bera kennsl á líkin.

Björgunarmenn hafa unnið við erfiðar aðstæður við leit að fólki þar sem hraunið er enn mjög heitt. Þeir nota sleggjur til að brjóta göt á þök húsa til að kanna hvort fólk sé fast inni í þeim.

Tæplega 3.300 manns hafa verið fluttir á brott frá hamfarasvæðunum.

Nokkur lítil gos hafa verið í eldfjallinu á undanförnum árum en um helgina vaknaði það af miklum krafti og öflugt gos hófst.