fbpx
Þriðjudagur 22.október 2019  |

DV - Frjáls og óháður miðill

DV gleður lesendur

Til að eiga möguleika á að hreppa hnossið þarf að vera vinur okkar á Facebook.
Skoða vinninga hér
Matur

Hvað á að hafa í matinn? Ekki láta leiðinlegustu spurningu lífs þíns eyðileggja daginn

Lilja Katrín Gunnarsdóttir
Mánudaginn 28. janúar 2019 13:30

Litríkur matseðill.

Ekki missa af Helstu tíðindum dagsins í pósthólfið þitt

Lesa nánar

Það er mánudagur sem þýðir að við á matarvefnum erum búin að setja saman hugmynd að vikumatseðlinum sem gæti linað þjáningar einhverra.

Mánudagur – Rækjuréttur með valhnetum

Uppskrift af Delish

Hráefni:

1 bolli vatn
1 bolli sykur
1 bolli valhnetur
450 g risarækjur, hreinsaðar
salt og pipar
2 stór egg, þeytt
1 bolli maíssterkja
grænmetisolía
¼ bolli mæjónes
2 msk. hunang
2 msk. rjómi
soðin hrísgrjón, til að bera fram með
saxaður vorlaukur, til að skreyta

Aðferð:

Setjið vatn og sykur í pott yfir meðalhita og náið upp suðu. Bætið valhnetum saman við og leyfið þessu að sjóða í 2 mínútur. Fjarlægið hneturnar og leyfið þeim að kólna á bakka. Saltið og piprið rækjurnar. Setjið eggin í grunna skál og maíssterkju í aðra skál. Dýfið rækjunum í eggin og síðan maíssterkjuna. Hitið slatta af olíu í stórri pönnu og steikið rækjurnar í um 3 til 4 mínútur. Leggið þær síðan á pappírsþurrku til þerris. Blandið mæjónes, hunangi og rjóma vel saman í skál. Blandið rækjunum saman við sósuna og berið fram með valhnetunum, hrísgrjónum og vorlauk.

Rækjuréttur.

Þriðjudagur – Vegan bollur í geggjaðri sósu

Uppskrift af Easy Cooking With Molly

Bollur – Hráefni:

1 meðalstór blómkálshaus
1 stór gulrót
2 msk. hveiti
½ bolli ólífuolía

Sósa – Hráefni:

1 stór laukur, skorinn smátt
1 tsk. hvítlaukur, smátt saxaður
1 tsk. engifer, rifið
6 litlar paprikur, skornar í litla bita
½ bolli vorlaukur, smátt saxaður
1 msk. sesamfræ
3 msk. sojasósa
1 msk. chili sósa
1 msk. edik
1 tsk .sykur
1 tsk. maíssterkja leyst upp í 3 msk af vatni (má sleppa)
¼ tsk. pipar
salt
2 msk. ólífuolía

Aðferð:

Byrjum á sósunni. Hitið 2 matskeiðar af olíu í pönnu. Steikið hvítlauk og engifer í 1 mínútu. Bætið lauk saman við og steikið í 2 mínútur. Bætið papriku og vorlauk saman við og steikið í 2 mínútur. Bætið sojasósu, ediki, chili sósu, salti og pipar saman við og hrærið vel saman. Lækkið hitann og leyfið þessu að malla í 3 mínútur. Setjið sósuna til hliðar. Skerið blómkál í bita og setjið það í matvinnsluvél. Saxið það í litla bita sem minna á hrísgrjón. Rífið niður gulrót og blandið henni saman við blómkál og hveiti. Hnoðið í höndunum og búið til bollur úr blöndunni. Hitið ½ bolla af olíu í potti eða pönnu og steikið bollurnar þar til þær eru fallega brúnar á öllum hliðum. Berið fram með sósunni.

Vegan-bollur.

Miðvikudagur – Ketó-kjúlli

Uppskrift að Recipe Szen

Hráefni:

2 stórar kjúklingabringur
½ bolli möndlumjöl
½ bolli rifinn parmesan ostur
1 bolli rifinn ostur
2 stór egg
2 msk. ólífuolía
1 bolli marinara sósa
1 tsk. salt
¼ tsk. pipar
½ tsk. hvítlaukskrydd
½ tsk. laukkrydd
¼ tsk. þurrkuð steinselja

Aðferð:

Setjið kjúklingabringur í plastfilmu eða poka og fletjið þær út með kjöthamri eða kökukefli. Blandið möndlumjöli, parmesan osti, salti, pipar, laukkryddi, hvítlaukskryddi og steinselju saman á disk og setjið til hliðar. Þeytið eggin í skál. Hyljið kjúklingabringurnar í möndlumjölsblöndunni. Dýfið þeim síðan í eggjablönduna og þekið aftur í möndlumjölsblöndunni. Setjið á disk og látið hvíla í fimmtán mínútur. Hitið olíu í pönnu yfir meðalhita. Steikið kjúklinginn í 2 mínútur á hvorri hlið. Hitið ofninn í 200°C og dreifið úr ½ bolla af marinara sósu í eldfast mót. Setjið kjúklinginn ofan á og hellið restinni af sósunni yfir. Dreifið rifnum osti yfir sósuna og bakið í 20 til 30 mínútur.

Ketó-kjúlli.

Fimmtudagur – Afgangasúpa

Uppskrift af Joe Eats

Hráefni:

1/3 bolli hvít hrísgrjón
2 msk. ólífuolía
1 lítill laukur
1 hvítlauksgeiri
1 msk. tómatpúrra
1 tsk. salt
½ tsk. pipar
1 dós maukaðir tómatar
2 bollar vatn
2 tsk. sykur
2 tsk. rauðvínsedik
85 g rjómaostur
ferskt basil

Aðferð:

Setjið vatn í pott og náið upp suðu. Sjóðið hrísgrjónin samkvæmt leiðbeiningum á pakka og setjið til hliðar. Hitið 2 matskeiðar af ólífuolíu yfir meðalhita í sama potti. Rífið niður lauk og hvítlauk og steikið ásamt salti og pipar í 2 til 3 mínútur. Blandið púrru saman við og hrærið. Steikið í 2 mínútur. Hellið tómötum, vatni og sykri saman við og hrærið vel. Látið malla í 10 mínútur. Þeytið rjómaostinum saman við sem og rauðvínsediki. Hrærið hrísgrjónum saman við og smakkið til. Berið fram með fersku basil.

Afgangasúpa.

Föstudagur – Quesadilla-borgari

Uppskrift af Delish

Hráefni:

450 g nautahakk
1 hvítlauksgeiri, smátt saxaður
1 jalapeño, smátt saxaður
1 tsk. chili krydd
salt og pipar
5 msk. grænmetisolía
8 litlar tortilla-kökur
1 ½ bolli rifinn cheddar ostur
1 ½ bolli rifinn ostur
1 ½ bolli rifið kál
1 bolli salsa sósa
½ bolli sýrður rjómi

Aðferð:

Blandið hakki, hvítlauk, jalapeño og chili kryddi saman í skál og saltið og piprið. Búið síðan til 4 buff úr blöndunni. Hitið 1 matskeið af olíu yfir meðalhita í stórri pönnu. Steikið buffin eins mikið og þið viljið. Setjið á disk til hliðar. Hitið 1 matskeið af olíunni á pönnunni og setjið tortilla-kökurnar á pönnuna. Toppið þær með osti og káli. Setjið buffin ofan á og síðan meiri ost, salsa sósu og smá sýrðan rjóma. Lokið borgaranum með annarri tortilla-köku. Steikið í 2 mínútur. Snúið við og steikið í 2 mínútur til viðbótar.

Quesadilla-borgari.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Matur
Fyrir 1 viku

Berlínarbollan afhjúpuð – Veistu hvað er í henni?

Berlínarbollan afhjúpuð – Veistu hvað er í henni?
Matur
Fyrir 1 viku

Var að skipuleggja brúðkaup og lést eftir að hafa smakkað nýjan mat: „Hann öskraði svo ég hljóp upp til hans“

Var að skipuleggja brúðkaup og lést eftir að hafa smakkað nýjan mat: „Hann öskraði svo ég hljóp upp til hans“
Matur
Fyrir 2 vikum

Þess vegna áttu að borða hafragraut alla daga

Þess vegna áttu að borða hafragraut alla daga
Matur
Fyrir 2 vikum

Svona getur þú sparað fúlgur fjár í matargerðinni heima– Klók ráð frá íslenskum bragðarefum

Svona getur þú sparað fúlgur fjár í matargerðinni heima– Klók ráð frá íslenskum bragðarefum