Aðdáendur skyndibitakeðjunnar McDonald‘s hafa margir tekið eftir því að mjólkurhristingarnir sem eru á matseðli keðjunnar heita ekki því nafni heldur einfaldlega hristingar.
Hafa því einhverjir velt því fyrir sér hvort engin mjólk sé í hristingunum fyrst viðskeytið vanti. Á vefsíðu McDonald‘s kemur hins vegar fram að fyrsta hráefnið í hristingunum sé fituskertur ís sem innihaldi mjólk, sykur, rjóma, maíssíróp og ýmis aukaefni. Það er því vissulega mjólk í hristingunum, en fyrirtækið útskýrir enn fremur af hverju þeir heita ekki mjólkurhristingar á matseðlum keðjunnar.
„Reglugerðir um hvað má kalla mjólkurhristing eru breytilegar frá ríki til ríkis. Við viljum hafa þetta einfalt og köllum þetta einfaldlega hristing.“
Það er nefnilega þannig í Bandaríkjunum, heimalandi McDonald‘s, að ekki má kalla hristing mjólkurhristing í Connecticut til dæmis nema hann innihaldi 3.25 til 6 prósent mjólkurfitu og að fituskert mjólk má ekki vera minni en tíu prósent. Í Suður-Dakóta þarf hins vegar að vera 2 til 7 prósent mjólkurfita og að minnsta kosti 23 prósent fituskert mjólk. Því gæti McDonald‘s lent í bobba ef viðskeytinu mjólk er bætt við hristingana.