fbpx
Þriðjudagur 23.apríl 2019

DV - Frjáls og óháður miðill

Athyglissjúkir og hæfileikalausir áhrifavaldar

Svarthöfði
Sunnudaginn 20. janúar 2019 13:40

Ekki missa af Helstu tíðindum dagsins í pósthólfið þitt

Lesa nánar

Svarthöfði ákvað að reyna að vera nútímalegur og byrjaði þess vegna bæði á Snapchat og Instagram. Fékk Svarthöfði því leiðbeiningar um hvaða fólki væri best að fylgjast með eða „adda“ eins börnin segja. Þetta var meðal annars einmana sjómannskona sem reyndist vera strigakjaftur. Einnig einhver bílstjóri og galgopi úr Keflavík sem drekkur ótæpilegt magn af bjór.

Hin fyrstu kynni af þessum kima internetsins ollu Svarthöfða miklum vonbrigðum. Svarthöfði bjóst við að þessi reynsla myndi göfga sálina en þess í stað er Svarthöfði fastur í að horfa á tóma froðu allan daginn. Allt þetta fólk, eða áhrifavaldar eins og það vill láta kalla sig, gerir lítið annað en að auglýsa smink og vörur til þrifa. Þetta er í raun afturhvarf til þess tíma þegar Íslendingar sátu fastir yfir Sjónvarpsmarkaðinum því ekkert annað var í sjónvarpinu.

Þetta er ekki vitund skemmtilegt eða áhugavert, en farsíminn hefur gert okkur að þrælum sínum og þetta er það sem er í boði þar. Athyglissjúkt fólk sem er svo hæfileikasnautt að það getur hvergi fundið sér farveg nema í bjánaskap.

Botninum er síðan náð þegar þetta lið setur svokallaða „filtera“ á myndböndin sín og þykist vera álfar eða sjóræningjar. Skríkja svo og hlægja að eigin fyndni. Svarthöfði er kominn á þá skoðun að tæknin sé að gera okkur að hálfvitum.

Af hverju á líf þessa fólks að vera þess virði að Svarthöfði fylgist með því dag og nótt? Líf fólks sem reynir að pranga einhverju drasli inn á þá nytsömu sakleysingja sem festast í þessum ávana?

Eftir viku af auglýsingasprengjuregni á þessum guðsvoluðu samfélagsmiðlum ákvað Svarthöfði að eyða þessu út af símanum. Þess í stað hefur Svarthöfði ákveðið að snúa aftur á þann stað netsins sem er ærlegur og gegnheill. Nefnilega Moggabloggið. Þar fer fram göfgandi, vitræn og óspillt umræða um þjóðfélagsmál. Svarthöfði hefur samt áhyggjur af meðalaldrinum þar og hversu föst æskan er í viðjum kjánaskapar og fals.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Matur
Fyrir 2 klukkutímum

Þetta gerist í líkamanum þegar þú borðar hamborgara á skyndibitastað

Þetta gerist í líkamanum þegar þú borðar hamborgara á skyndibitastað
433
Fyrir 2 klukkutímum

Zlatan er með mörg tilboð: Næsti James Bond?

Zlatan er með mörg tilboð: Næsti James Bond?
433
Fyrir 3 klukkutímum

Segir að Klopp sé heppinn – Fékk ekki að gera það sama

Segir að Klopp sé heppinn – Fékk ekki að gera það sama
Eyjan
Fyrir 3 klukkutímum

OR var með ólöglega álagningu

OR var með ólöglega álagningu
Eyjan
Fyrir 5 klukkutímum

Fegrað fyrir gríska páska

Fegrað fyrir gríska páska
Bleikt
Fyrir 5 klukkutímum

Aðdáendur sannfærðir um að Justin Bieber hafi mæmað á tónleikum – Sjáið myndbandið

Aðdáendur sannfærðir um að Justin Bieber hafi mæmað á tónleikum – Sjáið myndbandið