ESB-aðild sem slík myndi hafa lítil áhrif á verðbólgu hér á landi en upptaka evru myndi lækka verðbólgu markverkt, hún myndi hins vegar minnka sveigjanleika til aðgerða í efnhagsáföllum. Þetta er mat Halldórs Jörgens Olesens, ritstjóra Verðbólguvaktarinnar, sem birtist í aðsendri grein á Visir.is.

„Stutta svarið er að ESB-aðild ein og sér breytir verðbólgu lítið. Það er upptaka evrunnar, sem fylgdi 4–7 árum eftir aðild, sem myndi raunverulega umbreyta verðbólgumynstrinu,“ segir Halldór.

Samandregið er það mat Halldórs að meðalverðbólgu myndi lækka úr 4-6% niður í 2-3% með upptöku evru. Minnstu áhrifin yrðu á húsnæðisliðinn: „Lóðaskortur og byggingartaktur eru utan stjórnar peningastefnu. Það gæti meira að segja versnað: vaxtalægra evruumhverfi gæti ýtt undir frekari verðhækkanir, eins og gerðist á Spáni 2001–2007.“

Halldór segir að þessi lækkun verðbólgu væri marktækt betri en ekkert kraftaverk. Hann segir:

„Spurningin er ekki hvort við viljum lægri verðbólgu, heldur hvort við erum tilbúin að gefa eftir peningastefnusjálfstæði til að ná henni.“

Greinina í heild má lesa hér.