Rakel María Hjaltadóttir, markaðsstjóri Saffran, og förðunarfræðingur, hefur íbúð sína við Kötlufell í Breiðholti á sölu. Ásett verð er 49,9 milljónir.
„Sæta íbúðin mín er komin á sölu. Þrátt fyrir að hafa aðeins búið þar sjálf í sex mánuði leið mér svo vel og mér þykir ótrúlega vænt um hana. Ég vona að hún fari í góðar hendur. Þetta er fullkomin fyrsta eign – með náttúruparadísina í Elliðaárdalnum í bakgarðinum,“ skrifaði Rakel í færslu á Instagram.
Íbúðin er 62,8 fermetra, tveggja herbergja, á annarri hæð í húsi sem byggt var árið 1974.
Stofa, borðstofa og eldhús eru samliggjandi í opnu rými með ljósu harðparketi á gólfum.
Útgengt er úr stofunni á yfirbyggðar svalir.
Eldhúsið er með hvítri innréttingu, bakaraofn, helluborði og gufugleypi. Tengi fyrir uppþvottavél og harðparket á gólfi.
Svefnherbergi er rúmgott með góðum fataskápum, harðparket á gólfi.
Baðherbergi er flísalagt með hvítri innréttingu með speglaskáp, upphengt salerni og baðkar með sturtuaðstöðu.
Sérgeymsla 5,1 fm er á jarðhæð.
Nánari upplýsingar um eignina má finna hér.
