Leikarinn Christian Bale var óþekkjanlegur með nýja hárgreiðslu á setti kvikmyndarinnar Madden í Atlanta á miðvikudag. Bale var í svörtum leðurjakka, buxum og skóm, með gleraugu. Útlit hans var fullkomnað með nokkrum stórum hringum. Bale skartar jafnan skeggi en rakaði sig fyrir hlutverkið.
Bale, sem er 51 árs, leikur Al Davis, fyrrverandi eiganda Oakland Raiders. Mótleikari hans Nicholas Cage, 61 árs, leikur aðalpersónu myndarinnar, John Madden þjálfara Oakland Raiders, sem varð goðsagnakenndur NFL-fréttamaður.
„Myndin fylgir merkilegri sögu Maddens, frá samstarfi hans við Al Davis og Raiders, sem vann Super Bowl, til stofnunar Madden NFL þar sem hann varð ein af goðsagnakenndum röddum fótboltasögunnar.“
Sjá einnig: Stórleikarinn óþekkjanlegur við tökur – Deilur á tökustað vegna níðs og nektar
Aðrir leikarar eru John Mulaney sem stofnandi Electronic Arts, Trip Hawkins, Kathryn Hahn sem eiginkona Johns, Virginia Madden, og Sienna Miller sem eiginkona Als, Carol Davis.
Tilkynnt var um vinnslu myndarinnar árið 2023. Deadline greindi áður frá því að viðræður hefðu verið við Will Ferrell um að leika Madden. Ekki hefur verið tilkynnt um frumsýningardag.
