Parið, Sindri Guðbrandur Sigurðsson verðlaunakokkur og María Dögg Elvarsdóttir kennari hafa sett íbúð sína við Kleifarsel í Breiðholti á sölu.

„Jæja íbúðin komin á sölu, besta staðsetningin í Seljahverfinu (hlutlaust mat). Einhver að kaupa svo að fimm manna fjölskylda geti stækkað við sig,“ segir María í færslu á Facebook.

Sindri er einn af þekktustu kokkum landsins og annar eigenda Flóru veisluþjónustu. Hann hefur starfað á Héðinn Kitchen & Bar og Silfru. Í lok janúar varð hann í 8. sæti í hinni virtu Bocuse d´Or keppni sem haldin var í Lyon í Frakklandi .

Íbúðin er 74,4 fermetrar, þriggja herbergja, á annarri hæð í húsi sem byggt var árið 1982. Ásett verð er 59,9 milljónir króna.

Íbúðin skiptist í anddyri, borð- og setustofu, eldhús, tvö svefnherbergi, baðherbergi og þvottahús í sér rými innan íbúðar.

Frá stofu og úr hjónaherbergi er útgengt á stórar suður svalir eignar. Í kjallara húseignar er sameiginleg hjóla- og vagnageymsla ásamt sérgeymslu íbúðar sem er ekki inni í birtri stærð eignar.

Nánari upplýsingar um eignina má finna hér.