fbpx
Föstudagur 21.júní 2024
Fréttir

Egill varar Þórhildi við: „Bíddu bara þangað til þú ferð í ríkisstjórn – þá færðu að kenna á því“

Ritstjórn DV
Miðvikudaginn 29. maí 2024 14:30

Ekki missa af Helstu tíðindum dagsins í pósthólfið þitt

Lesa nánar

Fjörugar umræður fara nú fram á Facebook-síðu Þórhildar Sunnu Ævarsdóttur, þingflokksformanns Pírata. Þórhildur skrifaði stutta færslu sem vakti talsverða athygli, en í henni sagði hún:

„Af gefnu tilefni: Að gagnrýna einhvern/eitthvað jafngildir því ekki að hata einhvern/eitthvað.“

Sjónvarps- og fjölmiðlamaðurinn Egill Helgason lagði orð í belg undir færslu Þórhildar og sagði að vera orðið að vandamáli hvernig talað er um stjórnmálafólk:

„Bíddu bara þangað til þú ferð í ríkisstjórn – þá færðu að kenna á því. Í alvöru. Það er sjálfstætt vandamál hvernig er talað um stjórnmálafólk núorðið. Og ég á ekki von á að næsta ríkisstjórn verði undanþegin,“ sagði Egill og tók Þórhildur undir það.

„Ég hef alveg fengið að kenna á því Egill og get tekið undir að umræðan getur orðið ansi óvægin. En orð mín hér að ofan standa eftir sem áður.“

Því svaraði Egill svona: „Mynduð fá þrjá mánuði áður en svikabrigslin byrja. Svona er þetta. Hræðilegt ástand. Enda ysta hægrið að ná völdum í hverju landinu á fætur öðru.“

Egill bætti svo við að það væri allt annað að vera í stjórnarandstöðu en stjórn.

„Þá mætir maður á vettvang með háleit markmið, þau þynnast út í stjórnarmyndunarviðræðum, við tvo, jafnvel þrjá, aðra flokka. Svo er komið inn í ráðuneyti og þá komast ráðherrarnir að því að þeir eru ekki vel að sér um mál, kunna lítt að fá framgang og að tregða ríkir allt í kringum þá. Og það þarf að fá fjárveitingar og semja um forgangsröðun og þar fram eftir götunum,“ sagði Egill og bætti við að stjórnkerfið okkar væri langt í frá skilvirkt.

„Og þá líða mánuðir og nýbakaðir ráðherrar komast að því að völd þeirra eru í raun mjög takmörkuð og þeir geta ekki komið í verk nema litlu af því sem þeir ætluðu að gera. Ekki af því þeir séu vont fólk eða meini illa. En eins og andrúmsloftið er í stjórnmálunum verður þetta allt lagt út á versta veg og ráðherrarnir munu eyða miklum tíma í að slökkva elda hér og þar. Svona er pólitíkin núna, við skulum athuga að allar ríkisstjórnir sem hafa setið hér í langan tíma hafa orðið feikilega óvinsælar. Gleymum t.d. ekki hvernig síðasti hluti valdaferils Jóhönnu var. Og sömu örlög bíða næstu ríkisstjórnar – sem miðað við skoðanakannanir ætti að vera til vinstri.“

Umræðurnar má sjá í heild sinni hér að neðan:

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 23 klukkutímum

Dagur Þór dæmdur í tveggja ára fangelsi – Beitti hnúajárni gegn starfsmanni í Nettó

Dagur Þór dæmdur í tveggja ára fangelsi – Beitti hnúajárni gegn starfsmanni í Nettó
Fréttir
Í gær

Pappír verður óþarfur í íslenskum dómsmálum næstu mánaðamót

Pappír verður óþarfur í íslenskum dómsmálum næstu mánaðamót
Fréttir
Í gær

Opnar þú stafræna pósthólfið reglulega? – Það getur haft alvarlegar afleiðingar ef þú gerir það ekki

Opnar þú stafræna pósthólfið reglulega? – Það getur haft alvarlegar afleiðingar ef þú gerir það ekki
Fréttir
Í gær

Líf Helgu Rakelar allt annað eftir að hún fékk lyfið: „Ég er sterkari en ég var fyrir ári og það gerist ekki í þessum sjúkdómi“

Líf Helgu Rakelar allt annað eftir að hún fékk lyfið: „Ég er sterkari en ég var fyrir ári og það gerist ekki í þessum sjúkdómi“
Fréttir
Fyrir 2 dögum

Ekki tekst að uppfylla húsnæðisþörf á árinu og biðlistar langir

Ekki tekst að uppfylla húsnæðisþörf á árinu og biðlistar langir
Fréttir
Fyrir 2 dögum

Myndband: Íslendingur sagður alvarlega særður eftir að hafa verið stangaður af nauti á Spáni

Myndband: Íslendingur sagður alvarlega særður eftir að hafa verið stangaður af nauti á Spáni