fbpx
Fimmtudagur 08.desember 2022
Fréttir

Áralöngum og kostnaðarsömum deilum lokið

Ritstjórn DV
Þriðjudaginn 22. nóvember 2022 13:00

Ekki missa af Helstu tíðindum dagsins í pósthólfið þitt

Lesa nánar

Halldór Kristmannsson hefur brugðist við yfirlýsingu Alvogen um sátt sem gerð var í máli sem fyrirtækið hafði höfðað gegn Halldóri fyrir Héraðsdómi Reykjavíkur. Halldór, sem er fyrrum framkvæmdastjóri há Alvotech og Alvogen segir í samtali við DV að hann fagni því að deilum hans og Róberts Wessman sé nú lokið með sátt.

Sjá einnig: Halldór Kristmannsson ekki uppljóstrari – Gerði sátt við Alvogen og lokar heimasíðunni

Samkvæmt tilkynningu Alvogen fólst í sáttinni að Halldór hafi afsalað sér stöðu uppljóstrara í öllum lögsögum og að hann muni í kjölfarið loka uppljóstrara-vefsíðu sinni.

Halldór segist eiga margar góðar minningar af samstarfi við Róbert og óskar honum velfarnaðar í framtíðinni.

„Ég á margar góðar minningar af samstarfi okkar Róberts sem hófst á árinu 2001. hann var þá forstjóri Delta og varð samstarf okkar náið og ávallt ríkti traust og virðing á milli okkar. Með stuttum hléum starfaði ég fyrir hann í 18 ár og ég hef verið hluthafi í Aztiq samstæðunni frá árinu 2012 en þá lagði ég fjármuni til fjármögnunar fyrirtækisins. Ég er spenntur að fylgjast með framgangi lyfjafyrirtækjanna á næstu árum og óska Róberti góðs gengis.“

Aðspurður staðfestir Halldór að í sáttinni felist fjárhagsuppgjör og það sé í raun ekkert leyndarmál. Það hafi verið með þeim hætti að launagreiðslur, áunnir kaupaukar og útlagður lögmannskostnaður, verði greidd af félaginu. „Ekki var um frekari greiðslur til mín að ræða, enda óskaði ég ekki eftir því. Ég vona að mér sé óhætt að upplýsa um þetta. Að öðru leyti er samkomulagið varið trúnaði og ég mun ekki tjá mig frekar um það í fjölmiðlum.“

Frá starfslokum Halldórs hjá lyfjafyrirtækjunum segist Halldór meðal annars hafa sinnt eigin fjárfestingum hér á landi og í Sviss, en hann býr nú þar ásamt fjölskyldu sinni. Eins hefur hann sinnt ráðgjafaverkum fyrir alþjóðleg fyrirtæki í lyfjaiðnaði og sjávarútvegi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Ný Fréttavakt: Megum gera betur gegn spillingu. Gríðarleg plastmengun í íslenskum sjó.

Ný Fréttavakt: Megum gera betur gegn spillingu. Gríðarleg plastmengun í íslenskum sjó.
Fréttir
Í gær

Nýjar vendingar í sjúkrabílakláms-málinu – Myndbandið líklega tekið upp í húsnæði slökkviliðsins við Skógarhlíð

Nýjar vendingar í sjúkrabílakláms-málinu – Myndbandið líklega tekið upp í húsnæði slökkviliðsins við Skógarhlíð
Fréttir
Fyrir 2 dögum

Úkraínsk sendiráð fá blóðuga pakka með dýraaugum

Úkraínsk sendiráð fá blóðuga pakka með dýraaugum
Fréttir
Fyrir 2 dögum

Sprenging heyrðist langt inni í Rússlandi – Síðan kom torrætt úkraínskt tíst

Sprenging heyrðist langt inni í Rússlandi – Síðan kom torrætt úkraínskt tíst
Fréttir
Fyrir 2 dögum

320 milljón króna gjaldþrot starfsmannaleigu – Eigandinn Ingimar þegar dæmdur fyrir skattsvik

320 milljón króna gjaldþrot starfsmannaleigu – Eigandinn Ingimar þegar dæmdur fyrir skattsvik
Fréttir
Fyrir 2 dögum

Sauð upp úr hjá sambýlingum í Hraunbæ

Sauð upp úr hjá sambýlingum í Hraunbæ