Samúel Kári Friðjónsson skrifaði undir hjá Val í kvöld. Þetta herma öruggar heimildir 433.is.
Samúel skrifaði undir á Hlíðarenda í kvöld og fær leikheimild á morgun, fyrsti leikur hans í rauðu treyjunni verður því á fimmtudag gegn FH í Bestu deildinni.
Dr. Football sagði frá því fyrr í kvöld að Samúel væri að fara til Vals frá Stjörnunni, hann hefur nú skrifað undir.
Hinn þrítugi Samúel Kári gekk í raðir Stjörnunnar er hann kom heim úr atvinnumennsku fyrir síðustu leiktíð en fer nú til Vals.
Samúel Kári var í byrjunarliði Stjörnunnar í fyrstu umferð Bestu deildarinnar gegn KA en var á bekknum og kom inn á sem varamaður í annarri umferð gegn FH.
