Eldgosið í Geldingadölum hefur nú staðið yfir í rúma fjóra mánuði og hefur það dregið að sér marga ferðamenn sem koma til Íslands með það eitt að markmiði að sjá eldgosið. Mikilvægt er að vera vel klæddur þegar hefja á göngu og að vera með gott nesti í bakpokanum.

Í færslu sem Lögreglan á Suðurnesjum birtir á hverjum degi kemur meðal annars fram að það sé lífshættulegt að stíga á hraunið. Því eigi aldrei að fara út á það.

TikTok-notandinn Janeks Belajevs er einn þeirra sem hafa lagt leið sína að gosinu og náði hann myndbandi af manni sem hafði ákveðið að labba út á hraunið. Hann komst þó ekki langt þar sem fólk sem stóð við hraunið hóf að kalla á hann.

@janeksbelajevswtf 😮😮😮🤣 Man crossing lava.. !!Danger!! ##danger ##Iceland ##moment ##life ##vulcanicisland♬ original sound – Janeks Belajevs

Maðurinn virðist ekki vera sáttur með að fólkið hafi rekið hann til baka en að lokum snéri hann við og fór af hrauninu. Maðurinn var einnig ekki klæddur eins og hefðbundinn göngumaður en hann var í hettupeysu, gallabuxum en var þó í gönguskóm.