fbpx
Sunnudagur 24.mars 2019

DV - Frjáls og óháður miðill

Fókus

TÍMAVÉLIN: Grétar missti fót í loftárás á Seyðisfjörð

Kristinn H. Guðnason
Fimmtudaginn 21. júní 2018 22:30

Ekki missa af Helstu tíðindum dagsins í pósthólfið þitt

Lesa nánar

Laugardaginn 5. september árið 1942 gerði þýsk flugvél loftárás á Seyðisfjörð með þeim afleiðingum að fjórir drengir særðust. Taka þurfti hægri fót af einum þeirra við hné.

Tvær vélar flugu inn fjörðinn þennan örlagaríka dag og lét önnur þeirra tvær sprengjur falla, önnur lenti í sjónum en hin sjö metrum frá fjórum drengjum sem voru að leika sér með lítinn bát.

Stór gígur myndaðist við sprenginguna, tveggja metra djúpur og ellefu eða tólf metrar í þvermál.

Drengirnir, sem voru sjö og átta ára, slösuðust mismikið. Verst slasaðist Grétar Oddsson sem taka þurfti af fótlegg við hné.

Í nærliggjandi húsi lék allt á reiðiskjálfi og brotnuðu rúður á þeim vegg sem í átt að sprengingunni sneri. Auk þess urðu skemmdir á öðrum húsum í nágrenninu.

Seyðfirðingar tóku árásinni þó af mikilli stillingu.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af