Ráðalaus ung kona leitar til kynlífs- og sambandsráðgjafa The Sun. Hún er 21 árs og kærasti hennar 22 ára. Hann hefur verið að forðast hana eftir sársaukafullt atvik í svefnherberginu.

„Þar til nýlega stunduðum við oft kynlíf og það var frábært. En við vorum í aðeins of miklu stuði um daginn og typpið hans rifnaði. Síðan þá höfum við ekki stundað kynlíf og mér líður eins og hann hafi ekki áhuga á mér lengur,“ segir konan.

„Hann horfir með hryllingi á mig þegar ég er nakin. Ég veit ekki hvað ég á að gera.“

Deidre segir að líklegast sé um rifið haft séað ræða, eða frenulum eins og það kallast á fagmáli. Það er haftið sem liggur frá forhúðinni og festist á reðurhúfuna í grennd við þvagrásaropið.

„Það getur verið mjög sársaukafullt. Kærastinn þinn hefur kannski áhyggjur að þú sért að leitast eftir kynlífi, og hann er ekki tilbúinn í það. Vertu skilningsrík og þolinmóð ef þér þykir vænt um hann. Hann þarf ekki að fara til læknis nema það komi sýking í sárið,“ segir Deidre.

„Það getur tekið nokkrar vikur fyrir sárið að gróa. Ef það byrjar að lykta eða verður aumara þá er komin sýking í það og hann ætti að leita sér læknishjálpar. Í framtíðinni er gott að nota náttúrulegt sleipiefni með vatnsbasa til að koma í veg fyrir að þetta gerist aftur.“