FH-ingar eru vægast sagt ósáttir við karlalið sitt eftir 5-0 tap gegn Fylki í 16-liða úrslitum Mjólkurbikarsins í dag.

Það hefur ekkert gengið hjá FH í deildinni, en liðið er með tvö stig eftir sex leiki þar. Leikur dagsins bætti svo ekki úr skák.

Jóhannes Karl Guðjónsson tók við liði FH í vetur af Heimi Guðjónssyni, sem er einmitt þjálfari Fylkis og pakkaði sínu gamla liði saman í dag. Ákvörðun FH um að framlengja ekki samning Heimis, sem hefur gert stórkostlega hluti með liðið í gegnum tíðina, var umdeild.

„Hvenær ætla menn að grípa inni í og stöðva þetta rugl sem er í gangi undir stjórn Jóa Kalla, sem var tekinn í kennslustund af HG frá a-ö. Hrein hörmung og með verri úrslitum í sögu Fimeikafélaginu,“ skrifaði Guðmundur Hilmarsson, blaðamaður og fyrrum leikmaður FH á X.

Sigurður Gísli Bond Snorrason, annar fyrrum leikmaður liðsins og hlaðvarpsstjarna, lét einnig í sér heyra.

„Myndi maður ekki bara hætta í fótbolta ef maður væri inná hjá FH að tapa 4-0 fyrir Fylki á 46 mín, þvílíkur brandari,“ skrifaði hann.

„Jói Kalli stútaði ÍA á sínum tíma og er hann að gera það sama aftur núna nema í smá samvinnu með Davíð Þór,“ skrifaði FH-ingurinn og sparkspekingurinn Magnús Haukur Harðarson þá harðorður.

Fleiri tóku til máls, eins og sjá má hér að neðan.

Hvenær ætla menn að grípa inni í og stöðva þetta rugl sem er í gangi undir stjórn Jóa Kalla, sem var tekinn í kennslustund af HG frá a-ö. Hrein hörmung og með verri úrslitum í sögu Fimeikafélaginu.😠

— Guðmundur Hilmarsson (@GummiHilmars) May 14, 2026

Myndi maður ekki bara hætta í fótbolta ef maður væri inná hjá FH að tapa 4-0 fyrir Fylki á 46 mín, þvílíkur brandari

— Sigurđur Gísli Bond (@SigurdurGisli) May 14, 2026

Jói Kalli stútaði ÍA á sínum tíma og er hann að gera það sama aftur núna nema í smá samvinnu með Davíð Þór.

— Max Koala (@Maggihodd) May 14, 2026

Flott project í Kaplakrika.

— Kristján Óli Sigurðsson (@kristjanoli) May 14, 2026

Hvað er að gerast í Árbæ?

— Hörður (@horduragustsson) May 14, 2026