Chelsea undirbýr nú stórar breytingar fyrir næsta tímabil eftir vonbrigðatímabil þar sem liðið situr aðeins í níunda sæti ensku úrvalsdeildarinnar. Lundúnaliðið á þó enn möguleika á að enda tímabilið með bikar þegar það mætir Manchester City í úrslitaleik FA-bikarsins um helgina.
Stjórnendur félagsins eru jafnframt sagðir vinna að ráðningu nýs knattspyrnustjóra og Xabi Alonso er talinn einn helsti kandídatinn í starfið. Spánverjinn, sem áður stýrði Bayer Leverkusen og Real Madrid, er þekktur fyrir sveigjanlegt 3-4-2-1 leikkerfi og gæti haft mikil áhrif á leikmannakaup Chelsea í sumar.
Samkvæmt enskum miðlum vill Chelsea styrkja markvarðarstöðuna og hefur Gregor Kobel hjá Borussia Dortmund verið orðaður við félagið. Þá er Bournemouth-vörðurinn Marcos Senesi einnig á radar Chelsea fyrir nýtt þriggja manna varnarkerfi.
Á miðjunni er Moises Caicedo talinn lykilmaður framtíðarinnar en Pablo Barrios hjá Atletico Madrid hefur einnig verið nefndur sem möguleg viðbót. Í sókninni eru Cole Palmer og Joao Pedro sagðir áfram verða í lykilhlutverki.
Chelsea hefur einnig áhuga á Morgan Rogers hjá Aston Villa og unga þýska leikmanninum Said El Mala. Félagið hyggst því fara í umfangsmikla enduruppbyggingu fyrir næsta tímabil.
Svona gæti liðið hjá Chelsea litið undir stjórn Alonso.
