Söngkonan Rihanna fékk sér nýlega húðflúr sem hannað var eftir teikningu eins barnanna hennar. Erfitt er að greina hvað myndin á að tákna.

Breska blaðið The Independent greinir frá þessu.

Flestir foreldrar þekkja það að afkvæmið kemur stolt til þeirra með nýtt „listaverk“. „Vá, hvað þetta er flott hjá þér,“ segir foreldrið en góðar líkur eru á að listaverkið sé komið í tunnuna áður en dagurinn er úti.

Það á ekki við um söngkonuna Rihönnu, sem var svo ástfangin af listaverki eins af þremur barna sinna að hún lét húðflúra myndina á sig.

Rihanna birti myndina af nýja flúrinu og upprunalegu myndinni sem það var hannað eftir á Instagram. Húðflúrið er aftan á fótlegg söngkonunnar, sem er 38 ára, en hún er fyrir með tugi húðflúra víðs vegar um líkamann.

„Ímyndið ykkur að kíkja á þetta þegar hún er orðin eldri…..sætasta mamman,“ segir einn í athugasemdum við færsluna.

„Hún er alltaf svo frumleg þegar kemur að húðflúrum,“ segir annar.

Á meðal húðflúra Rihönnu má nefna fæðingarárið hennar 1998 á hægri ökkla, fiskamerkið á bak við hægra eyra og mynd af egypsku gyðjunni Isis á bringunni.