Brot úr þættinum má horfa á hér að neðan. Smelltu hér til að horfa á hann í heild sinni, einnig er hægt að hlusta á Spotify og öllum helstu hlaðvarpsveitum.
„Ég upplifi á vinkonum mínum og þeim sem ég þekki, að það upplifðu allir skömm þegar það kom að kynlífi. Hvort sem það var eins og ég, sem var að gera ótrúlega mikið af hlutum sem voru kannski mjög grófir, ekki talið svona „eðlilegt.“ Þá upplifði ég mikla skömm yfir því meðan að aðrar voru að upplifa skömm yfir því að þær væru ekki að prufa neitt, væru ekki að gera neitt, væru bara að stunda þetta „eðlilega“ kynlíf. Ég held að flestir hafa upplifað einhverja skömm þegar kemur að kynlífi, hvort sem það er að það sé of mikið eða of lítið,“ segir hún og bætir við að þetta eigi sérstaklega við um konur.
Aðspurð hvort hún sé búin að ná að vinna úr sinni skömm segir Sara Lind:
„Já, en ég myndi ekki segja að ég sé alveg búin að vinna úr því, en ég er á góðri leið. Ég mun örugglega alltaf þurfa að minna mig á… ég held ekki að þetta sé eitthvað sem maður vinnur úr og þetta er bara búið og fortíðin, heldur eitthvað sem maður þarf alltaf að minna sig á.“
Sara Lind segir enga skömm í því að stunda hvers konar kynlíf sem einstaklingur vill stunda, á meðan allir aðilar séu samþykkir.
„Ef þú ert að gera þetta fyrir þig og allir eru samþykkir þá er þetta í lagi. Skiptir engu máli hvað þetta er. Ef þú ert í sambandi og ykkur langar að gera eitthvað, gerið það. Og það er ekkert sem er of sóðalegt eða saklaust eða ekki í lagi, svo lengi sem það er samþykki.“
Sara Lind segir nánar frá þessu í spilaranum hér að ofan. Brotið er hluti af nýjasta þætti af Fókus sem má horfa á hér, eða hlusta á Spotify.
Fylgdu Söru Lind á TikTok og Instagram. Hún heldur úti hlaðvarpinu Einkamál með Söru Lind, en ný sería fer í loftið á næstu vikum.
