Kvittanir og tyggjóumbúðir eiga það til að enda á botninum í töskunum okkar og það sama á við um klink. En ef þú hefur verið í fríi á meginlandi Evrópu og notað evrur og komið heim með eitthvað af evruklinki, þá ættirðu að kíkja á það.

Ástæðan er að ákveðnar tegundir evrumynta eru mjög verðmætar. Það er mjög virkur hópur sem safnar sjaldgæfum útgáfum af evrum og eru margir þeirra reiðubúnir til að greiða hátt verð fyrir sjaldgæfa mynt. Þetta getur verið mynt sem einhver mistök voru gerð við í myntsláttunni eða sérútgáfur.

Eitt besta dæmið um verðmæta evrumynt er frá Mónakó. Þar var sérstök mynt til heiðurs Grace Kelly slegin í aðeins 20.000 eintökum 2007. Safnarar greiða allt að 30.000 evrum fyrir eina slíka mynt.

Annað dæmi er mynt sem var slegin fyrir Litáen 2021. Hún er tileinkuð náttúruverndarsvæðinu Zuvintas. Mjög óvenjulegur kantstimpill er á nokkrum af myntunum og þess vegna eru safnarar reiðubúnir til að greiða allt að 20.000 evrur fyrir hana.

Nú er bara að kíkja í skúffur og buddur og skoða evrurnar vel.