Tiffany Renee Darwish, alltaf kölluð Tiffany, var stórstjarna á níunda áratugnum. Vinsælasta lagið hennar var án efa ábreiða hennar af laginu „I Think We‘reAlone Now“.
Poppstjarnan túraði um öll Bandaríkin á níunda áratugnum og virðist enn spila á tónleikum víðs vegar um landið.
Það mætti segja að Tiffany hefði aðeins „misst kúlið“ á tónleikum í Flórída síðustu helgi. TMZ greinir frá.
Söngkonan sagði áhorfendum að „fokka sér“. Hún var að syngja lagið „I Think We‘re Alone Now“ og virtist eiga erfitt með að halda lagi. Aðdáendur sungu með og svo er eins og Tiffany heyrði eða sá eitthvað sem henni mislíkaði í salnum og sagði við áhorfendur: „Fokkið ykkur!!“
Talsmaður Tiffany sagði í samtali við TMZ að söngkonan hefði „týnt röddinni“ og að flutningurinn hefði valdið henni uppnámi.
