Athafnakonan Ellý Ármanns er nú komin með hring á fingur, en kærasti hennar Hlynur Jakobsson, dj og einn eiganda veitingastaðarins Hornið, bað hennar í dag.

Ellý sagði já og birti parið mynd af hringunum á samfélagsmiðlum, eins og reglur gera ráð fyrir.

Parið hefur verið saman í tæpt ár, en þau hittust fyrir tilstilli móður Hlyns, sem hitti Ellý og fannst hún efni í góða tengdadóttur. Það gekk eftir og hafa Ellý og Hlynur verið óaðskiljanleg frá fyrstu kynnum og smollið saman eins og gott pússluspil í lífinu og listsköpunni. Ellý málar og spáir í spil, meðan Hlynur semur tónlist.

Þau hugsa vel um heilsuna dags daglega, hamingjuna og hvort annað.

Fókus óskar parinu innilega til hamingju með hringana.