fbpx
Þriðjudagur 16.apríl 2024
Eyjan

Vilhjálmur Birgis hjólar í umhverfisverndarsinna – „Allur ávinningur af rafvæðingu bílflotans að þurrkast upp“

Eyjan
Miðvikudaginn 8. nóvember 2023 13:30

Vilhjálmur Birgisson, formaður Starfsgreinasambands Íslands

Ekki missa af Helstu tíðindum dagsins í pósthólfið þitt

Lesa nánar

Vilhjálmur Birgisson, formaður Starfsgreinasambands Íslands, segist velta fyrir sér hvernig „sönnum umhverfissinnum líði núna“ í ljósi þeirra tíðinda að síldarbræðsla Eskju á Austfjörðum er nauðbeygt til að knýja verksmiðju sína á olíu í stað raforku á komandi vertíð. Ástæðan er sú að að skortur er á raforku og vill Vilhjálmur kenna því um að ekki hefur verið virkjað nægilega mikið á undanförnum árum.

„Hugsið ykkur delluna, en umrædd verksmiðja mun þurfa að nota 50 þúsund tonn af olíu til að skapa þessar gjaldeyristekjur í stað endurnýjanlegrar raforku en vegna skorts á raforku eru þeir nauðbeygðir til að knýja verksmiðjuna með olíu. Það hefur komið fram í fréttum að ávinningurinn sem hefur skapast við þá raforkubíla sem eru hér á landi þurrkast upp bara vegna þess að umrædd síldarverksmiðja fær ekki raforku til að knýja sína síldarbræðslu. Núna ættu allir „alvöru“ umhverfissinnar að standa á öskrum um að virkja meira m.a. til að koma í veg fyrir svona vitleysu. Enda er allur ávinningur af rafvæðingu bílflotans að þurrkast upp því ekki er til næg endurnýjanleg orka.“

Hann segir að málið sé örlítið dæmi um mót- og þversagnir umhverfissinna sem hafi tekist að stoppa af þær „lífsnauðsynlegu aðgerðir að við sem þjóð virkjum miklu meira til að geta tekið þátt í orkuskiptum og notað okkar grænu, hreinu endurnýjanlegu orku til atvinnuuppbyggingar okkur öllum til hagsbóta,“ segir Vilhjálmur.

Þá bendir hann á að núverandi ástand við Svartsengi sýni okkur mikilvægi þess að virkja enn meira til að tryggja raforkuöryggi þjóðarinnar vítt og breitt um landið.

„Nú er komið að þeirri stundu að stjórnvöld keyri á að virkja enn meira enda eru allar þjóðir sem öfunda okkur af öllum þessum virkjunarkostum sem lúta að endurnýjanlegri græni orku.
Ég skora á Alþingi að keyra í gegn virkjunarframkvæmdir á grænni orku sem notuð verður í orkuskipti, atvinnuuppbyggingu og tryggja raforkuöryggi þjóðarinnar,“ segir Vilhjálmur ákveðinn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Fyrrverandi forstjóri Reita: Hús eru byggð of þétt og of mikill hraði í byggingarframkvæmdum

Fyrrverandi forstjóri Reita: Hús eru byggð of þétt og of mikill hraði í byggingarframkvæmdum
Eyjan
Fyrir 3 dögum

Skipta út bankaráði Landsbankans í heild sinni eftir TM-hneykslið

Skipta út bankaráði Landsbankans í heild sinni eftir TM-hneykslið
Eyjan
Fyrir 5 dögum

Ásakanir um lýðskrum og óráðsíu gengu á víxl á fundi borgarstjórnar og spurt hvort enginn viti hversu margir milljarðar eru farnir

Ásakanir um lýðskrum og óráðsíu gengu á víxl á fundi borgarstjórnar og spurt hvort enginn viti hversu margir milljarðar eru farnir
Eyjan
Fyrir 5 dögum

Bjarkey ráðherra í fyrsta skipti

Bjarkey ráðherra í fyrsta skipti