Mikel Arteta, stjóri Arsenal, segir að hann hafi verið að grilla í garðinum heima hjá sér þegar hann frétti að liðið væri orðið Englandsmeistari í fyrsta sinn í 22 ár.

Arteta var ekki með leikmönnum Arsenal þegar Manchester City missteig sig gegn Bournemouth á þriðjudagskvöldið, heldur fór hann heim til fjölskyldunnar.

„Ég var úti í garði að kveikja upp í grillinu og heyrði bara lætin inni í stofu. Svo hljóp elsti sonur minn út til mín grátandi, faðmaði mig og sagði: Við erum meistarar, pabbi,“ sagði Arteta.

Leikmenn Arsenal fögnuðu langt fram á nótt eftir að titillinn var í höfn og Arteta mætti síðar til þeirra á skemmtistað í London.