fbpx
Sunnudagur 24.maí 2020
Eyjan

Einkareknar heilsugæslustöðvar njóta mesta traustsins hjá Íslendingum – Skora hærra en ríkisreknar

Ritstjórn Eyjunnar
Þriðjudaginn 11. febrúar 2020 09:00

Höfðinn skoraði hæst

Ekki missa af Helstu tíðindum dagsins í pósthólfið þitt

Lesa nánar

Könnun sem Maskína gerði fyrir Sjúkratryggingar Íslands um heilsugæslustöðvar og traust almennings til þeirra, leiðir í ljós að flestir bera mesta traustið til einkarekinna heilsugæslustöðva. Könnunin hefur ekki verið gerð opinber, en Morgunblaðið greinir frá.

Alls 19 heilsugæslustöðvar eru á höfuðborgarsvæðinu. Svöruðu þátttakendur hvort þeir báru mjög mikið, frekar mikið, í meðallagi, frekar lítið eða mjög lítið traust til þeirra stöðva sem þeir hefðu leitað til.

Tvær stöðvar fengu einkunnina 4.15, Heilsugæslan Höfða, og Heilsugæslan í Salahverfi. Þá kom Heilsugæslan á Seltjarnarnesi og Vesturbæ með 4.08 og Heilsugæslan Lágmúla með 4.06. Heilsugæslan í Urðarhvarfi fékk fjóra í einkunn.

Allar eru þær einkareknar, nema sú á Seltjarnarnesi og Vesturbæ.

Meðaleinkunn einkareknu stöðvanna í könnuninni var 4.09 en einkunn þeirra sem reknar eru af hinu opinbera var 3.91. Meðaleinkunn allra stöðva í bland var 3.95.

Varðandi tillögur til úrbóta í þjónustu heilsugæslustöðva, nefndu flestir styttri biðtíma, þá aukið aðgengi að læknum í gegnum síma, og þá aukin rafræn þjónusta.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af