fbpx
Laugardagur 15.ágúst 2020
Eyjan

Er starfslokasamningur Haraldar ólöglegur ? – Reglur um starfslokasamninga dregist í þrjú ár

Ritstjórn Eyjunnar
Miðvikudaginn 4. desember 2019 13:07

Ekki missa af Helstu tíðindum dagsins í pósthólfið þitt

Lesa nánar

Eyjan birti í gær starfslokasamning Haraldar Johannessen ríkislögreglustjóra, þar sem kemur í ljós að Haraldur verður á launum til ársins 2022 og fái á tímabilinu um 45 milljónir króna.

Sjá nánar: Haraldur heldur óskertum launum í tvö ár – Sjáðu starfslokasamninginn – Kostar um 40 milljónir króna

Fjármálaráðherra hefur ekki enn sett reglur um starfslokasamninga opinberra starfsmanna, þó svo ákvæði um það hafi verið sett í lög fyrir þremur árum, samkvæmt hádegisfréttum RÚV. Samkvæmt fjármálaráðuneytinu er vinnan við reglurnar á lokametrunum.

Fyrirgerir rétti sínum með uppsögn

Samkvæmt núgildandi reglum á Haraldur rétt á launum út skipunartíma sinn, sé honum sagt upp. Ef hann segir sjálfur upp, fyrirgeri hann þeim rétti sínum, samkvæmt sérfræðingum í lögum um réttindi opinberra starfsmanna sem RÚV vitnar í.

Haraldur sagði sjálfur upp störfum, samkvæmt bréfi til starfsmanna ríkislögreglustjóra, hvar hann sagðist hafa beðist lausnar og ráðherra fallist á lausnarbeiðni sína.

Ef embætti Haraldar hefði verið lagt niður, líkt og dómsmálaráðherra hefur sagt koma til greina, hefði Haraldur aðeins átt rétt á fullum launum í 12 mánuði, en ekki 27 líkt og nú.

Sjá einnig: Nærmynd af ríkislögreglustjóra – Haraldur víkur ekki í skugga harðrar gagnrýni

Sama upphæð og skattrannsóknarstjóri þarf

Upphæðin sem Haraldur fær hefur verið gagnrýnd á samfélagsmiðlum og segir Ágúst Ólafur Ágústsson, þingmaður Samfylkinarinnar, ástæðu til að skoða málið nánar. Hann setur upphæðina í samhengi við það sem til þurfi að upplýsa um Samherjamálið:

„Í morgun tók ég upp á vettvangi fjárlaganefndar Alþingis þessar háu fjárhæðir sem heyrast vegna starfslokasamnings ríkislögreglustjóra en það er samningur sem ríkisstjórnin stendur að. Ég tel rétt að fjárveitingarvaldið skoði þetta vel enda eru það skattgreiðendur sem greiða brúsann, að vanda. Séu fréttir réttar er um að ræða yfir 40 milljónir kr. til eins manns en til að setja þessa tölu í einhvern samanburð þá er þetta svipuð upphæð og við lögðum til að skattrannsóknarstjóri fengi vegna Samherjamálsins en var fellt af þessari sömu ríkisstjórn. „

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Eyjan
Fyrir 2 dögum

Þorsteinn segir bið í næsta Samherja-þátt – „Ég ætla ekki að tjá mig um það á þessu stigi og ætla að láta storminn aðeins lægja eftir þetta“

Þorsteinn segir bið í næsta Samherja-þátt – „Ég ætla ekki að tjá mig um það á þessu stigi og ætla að láta storminn aðeins lægja eftir þetta“
Eyjan
Fyrir 2 dögum

Gunnar Bragi um svar Helga Seljan – „Ég leyfi mér hins veg­ar að glotta smá“

Gunnar Bragi um svar Helga Seljan – „Ég leyfi mér hins veg­ar að glotta smá“