Maður að nafni Morgan Whittaker er ansi umdeildur þessa stundina en hann er á mála hjá liði Plymouth í næst efstu deild.

Whittaker er 24 ára gamall og hefur spilað með Plymouth frá árinu 2023 eftir komu frá Swansea.

Nú vill leikmaðurinn komast burt og semja við annað félag en Middlesbrough er mikið orðað við leikmanninn.

Whittaker neitaði að mæta í leik Plymouth gegn Burnley fyrir helgi en þetta hefur stjóri liðsins, Miron Muslic, staðfest.

,,Við þurfum leikmenn sem vilja spila fyrir Plymouth svo við getum treyst á þá þegar við þurfum á þeim að halda,“ sagði Muslic.

,,Ég veit að hann er eftirsóttur af öðrum liðum og er orðaður við þau. Hann var heill og gat spilað í dag. Við völdum hann í liðið en hann mætti ekki.“