Það er útlit fyrir það að Jude Bellingham, leikmaður Real Madrid, sé kominn á fast en hann er einn besti miðjumaður heims.

Bellingham hefur lengi verið á lausu en er nú sagður vera í sambandi með konu að nafni Ashlyn Castro.

Enskir miðlar segja að Bellingham hafi sést ásamt Castro á stefnumóti nú á dögunum og þau hafi verið að hittast í einhvern tíma.

Bellingham er enskur og spilar með landsliðinu og virðast myndirnar sem enskir miðlar eru með í höndunum staðfesta nýtt ofurpar.

Castro er með um 200 þúsund fylgjendur á Instagram reikningi sínum en hún er áhrifavaldur og hefur einnig starfað sem fyrirsæta.

Bellingham er sagður hafa kynnst Castro einmitt á Instagram og voru þau dugleg að spjalla þar áður en sambandið hófst.

Castro er sjálf frá Bandaríkjunum og hefur þénað vel á sinni vinnu en Bellingham fær um 300 milljónir króna á mánuði fyrir sín störf hjá Real Madrid.