Reece James, fyrirliði Chelsea, lenti í skondnu atviki á dögunm er hann heimsótti rakara sinn í London.

Þessi rakari er þekktur á meðal leikmanna og frægra aðila í London en hann virðist vera stuðningsmaður Tottenham.

Hann setti Tottenham treyju yfir James er hann var í stólnum tilbúinn í klippingu og hefur gert það sama við fyrrum Chelsea manninn Eden Hazard.

Það er mikill rígur á milli Chelsea og Tottenham en fyrrum fyrirliði þess fyrrnefnda, John Terry, heimsækir staðinn nokkuð reglulega.

Terry hefur varað manninn við því að hann verði alls ekki sáttur ef það sama gerist næst þegar hann mætir í stólinn.

,,Ef þú reynir að gera þetta við mig þá mun ég kasta bæði þér og treyjunni út af stofunni,“ sagði Terry.

Terry er grjótharður stuðningsmaður Chelsea í dag eftir að hafa leikið þar allan sinn feril og er ekki mikill aðdáandi grannana í Tottenham.