Hann ræðir um fjölskyldumál og hvað hann telur vera stærstu kjarabótina fyrir íslenskar fjölskyldur.
„Nú verð ég kallaður karlrembupungur af einhverjum, en ég á vin frá Dúbaí, þar sem er svolítið önnur menning en hér. Og hann spurði mig einhvern tíma hvernig við á Vesturlöndum höfum náð að selja konum það að draumalífið sé að vinna allan daginn frá 8-5 og hafa engan tíma fyrir sjálfan sig og fjölskylduna sína og börnin sín,“ segir Simmi.
„Mér fannst þetta áhugaverður punktur. Besta kjarabarátta á Íslandi sem myndi hækka laun gríðarlega og snúa valdaójafnvæginu við, væri ef öll hjón myndu taka fjölskyldufund í kvöld og ákveða að annað þeirra færi af vinnumarkaði. Þau gætu svo bara ákveðið sín á milli hvort þeirra það væri.“
Simmi segir að þetta myndi ekki vera auðvelt til að byrja með en myndi skila sér að lokum.
„Þetta yrði smá brekka fyrstu mánuðina, en svo myndu launin rjúka upp af því að það yrði svo erfitt að manna störfin. Afi gamli bjó á Hagamel 25 og vann í ráðuneyti hérna. Hann sá fyrir allri fjölskyldunni, rak bíl og átti mjög gott líf á þeim tíma. Ein laun dugðu. Í dag getur þú gjörsamlega gleymt þeirri hugmynd að starfsmaður í sambærilegu starfi myndi geta haldið uppi fjölskyldu með þremur börnum, húsi og bíl. Af hverju? Hvað gerðist?“
Prófaðu að endurhlaða síðuna ef þú sérð ekki færsluna hér að neðan.
View this post on Instagram
Hægt er að nálgast viðtalið við Sigmar og öll viðtöl og podköst Sölva Tryggvasonar inni á solvitryggva.is
