Pep Guardiola sagði frá því í dag að Sir Alex Ferguson hafi sent sér skilaboð í tilefni frétta um að hann væri að hætta með Manchester City.
Guardiola er að hætta eftir stórkostlegan áratug í Manchester en Ferguson er að flestra mati besti stjóri í sögu úrvalsdeildarinnar.
„Hann er sá besti í sögu þessa lands af mörgum ástæðum,“ sagði Guardiola um Ferguson eftir að hann sagði frá skilaboðunum.
Guadiola mun stýra City í sínum síðasta leik á sunnudag gegn Aston Villa. Því miður fyrir hann getur hann ekki lengur landað Englandsmeistaratitlinum, en liðið er fjórum stigum á eftir toppliði Arsenal fyrir lokaumferðina.
