Jack Grealish kantmaður enska landsliðsins og Manchester sendi pillu á Gareth Southgate fyrrum þjálfara enska landsliðsins í gær.
Ástæðan var síðasti leikur enska liðsins undir stjórn Lee Carsley sem stýrt hefur liðinu tímabundið.
Carsley tók tímabundið við eftir að Southgate hætti en sá hafði skilið Grealish eftir heima á Evrópumótinu í sumar.
„Þvílíkur maður og stjóri. Algjör goðsögn og takk fyrir að koma aftur með ánægjuna í enska landsliðið,“ segir Grealish í óvæntri færslu á Instagram.
Thomas Tuchel tekur við sem þjálfari enska liðsins 1. janúar.
