David Moyes er með samningstilboð frá West Ham en hann staðfesti þetta sjálfur í samtali við blaðamenn.

Moyes hefur gert flotta hluti með West Ham þó að gengið hafi verið nokkuð brösugt á köflum í vetur.

Moyes verður samningslaus í sumar og er óvíst með framhaldið en eigendur félagsins vilja halda honum í starfi.

Moyes býr yfir mikilli reynslu og hefur þjálfað lið eins og Everton og Manchester United á sínum ferli.

,,Ég hef átt gott samtal við eigendur félagsins David Sullivan og Karren Brady,“ sagði Moyes.

,,Ég er með samningstilboð á borðinu en það er ég sem ákveð að bíða þar til í lok tímabils.“