Aðdáendur eru að missa sig yfir myndum af þeim, sjáðu bara hvernig þau horfa á hvort annað.
Þau fara með aðalhlutverkin í rómantísku gamanmyndinni Anyone But You en ekki er búið að tilkynna hvenær hún kemur út.
Eins og fyrr segir hefur neistinn á milli þeirra vakið mikla athygli, myndbönd eins og þetta hér að neðan hafa verið í mikilli dreifingu.
Sydney Sweeney & Glen Powell ✨ pic.twitter.com/KTUdRTgghD
— Sydney Sweeney fans (@SSydneyBest) April 23, 2023
Ekki nóg með það en þá virðast þau vera að eyða miklum tíma saman utan vinnunnar.
View this post on Instagram
View this post on Instagram
Það er ekkert nýtt á nálinni að leikarar verði ástfangnir á tökustað. Lauren Bacall og Humphrey Bogart, Elizabeth Taylor og Richard Burton, Goldie Hawn og Kurt Russell og Rachel Weisz og Daniel Craig svo einhver leikarapör séu nefnd.
En eitt sem er mjög mikilvægt í þessu öllu saman. Þau áttu bæði maka þegar tökur á myndinni hófust.
Sydney er trúlofuð Jonathan Davino, veitingamanni og erfingja pizzaveldis. Þau byrjuðu saman árið 2018 og trúlofuðust árið 2022.
Glen byrjaði með fyrirsætunni Gigi Paris árið 2020 og virtist allt leika í lyndi, þar til í lok síðustu viku þegar Gigi hætti að fylgja Sydney á Instagram. Augu allra voru á parinu og greindi TMZ frá því á miðvikudaginn að Glen og Gigi væru hætt saman. Fyrirsætan birti færslu á Instagram: „Vertu meðvituð um virði þitt og færðu þig yfir á þann næsta.“
View this post on Instagram
Þannig Glen Powell er núna einhleypur en Sydney Sweeney virðist ennþá vera trúlofuð. Aðdáendur standa á öndinni eftir meiri fregnum af málinu.
Þetta minnir óneitanlega á þegar Lady Gaga og Bradley Cooper léku á móti hvort öðru í A Star is Born og fólk var handvisst um að þau væru ástfangin. Orðrómurinn varð enn háværari eftir að þau sungu saman lagið „Shallow“ á Óskarsverðlaunahátíðinni í febrúar 2019. Frammistaðan var tilfinningaþrungin og gerði allt vitlaust á samfélagsmiðlum.
Sjá einnig: Bradley Cooper rýfur loksins þögnina um orðróminn um hann og Lady Gaga
