Héraðsdómur Reykjavíkur ákvað að vísa máli Guðmundar Karls Snæbjörnsson, sérfræðings í heimilislækningum, gegn Lyfjastofnun frá dómi. Þetta kemur fram í úrskurði dómstólsins sem birtur var á heimasíðu hans fyrir stundu.
Guðmundur Karl höfðaði málið gegn Lyfjastofnun í mars á þessu ári en hann freistaði þess að fá úrskurð heilbrigðisráðuneytisins, um bann við að ávísa ormalyfinu Ivermectin til Covid-sjúklinga, felldan úr gildi.
Í úrskurðinum kemur fram að Guðmundur Karl hafi fjórum sinnum um mitt ár 2021 óskað eftir leyfi til að framvísa Ivermectin-lyfinu í 3 mf töfluformi til skjólstæðinga sem meðhöndlun gegn Covid-19 sjúkdómnum og í öll skiptin verið synjað um það.
Áður hafði Guðmundur Karl ávísað sjálfum sér lyfinu sem fyrirbyggjandi meðferð gegn sjúkdómnum.
Lyfjastofnun veitti Guðmundir Karli ekki leyfi fyrir því að ávísa Ivermectin meðal annars á þeim grundvelli að það sé aðeins samþykkt sem meðferð gegn þráðormasýkingu í meltingarvegi, sem meðferð vegna forlirfa í blóði og vegna kláðamaurs. Heilbrigðisráðuneytið staðfesti þann úrskurð og því höfðaði Guðmundur Karl málið.
Ítarlegan dóm málsins geta lesendur kynnt sér hér en ákvörðun dómstólsins var að vísa málinu frá dómi sem og að fella niður málskostnað
