Jose Mourinho er ekki hrifinn af því ef knattspyrnumenn eyða miklum tíma í tölvuleikinn vinsæla, Fortnite.
Portúgalski knattspyrnustjórinn er nýtekinn við stjórn hjá AS Roma í ítalska boltanum.
Hann fór í viðtal við Youtube-síðu félagsins. Þar tjáði hann sig meðal annars um það þegar atvinnumenn í knattspyrnu spila tölvuleiki.
,,Fortnite? Það er martröð. Knattspyrnumenn vaka allar nætur til að spila þetta drasl og eiga svo leik daginn eftir,“ sagði Mourinho.
Roma hafnaði í sjöunda sæti ítölsku Serie A á síðustu leiktíð. Mourinho mun reyna að koma liðinu aftur í baráttuna um sætin í Meistaradeild Evrópu.
Það er spurnig hvort tölvuleikjanotkun leikmanna sé eitt af því sem hann þarf að skoða til að ná því besta út úr þeim á næstu leiktíð.
