Eins og frægt er orðið buðu Wayne Rooney og félagar hans þremur 21 árs gömlum stelpum á borðið til sín á næturklúbbi í Manchester um helgina.

Eftir á fór hópurinn á hótelherbergi stelpnanna þar sem Rooney dó áfengisdauða og stelpurnar tóku myndir af honum án leyfis. Hann hefur nú beðist afsökunar á atvikinu.

„Ég gerði mistök. Ég fór í einkasamkvæmi með tveimur vinum mínum og mig langar að biðja fjölskyldu mína og klúbbinn afsökunar fyrir myndirnar sem eru nú í dreifingu,“ sagði Rooney við Sky Sports eftir æfingaleik Derby við Real Betis.

„Ég er þakklátur Derby County fyrir að gefa mér tækifæri til þess að koma félaginu á þann stað sem það á heima og ég mun gera allt sem í mínu valdi stendur til að gera það.“

"I went to a private party with two of my friends and from me, I'd like to apologise to my family and the club."

— Sky Sports News (@SkySportsNews) July 28, 2021