59 ára kona var á mánudaginn dæmd í sjö ára fangelsi fyrir vörslu á níu kílóum af amfetamíni. Fíkniefnin fundust grafin í garðinum við heimili hennar í Viborg í Danmörku. Lögreglunni hafði borist ábending um að konan væri með fíkniefni og gerði því leit heima hjá henni og í garðinum hennar.

Konan neitaði sök en viðurkenndi að hafa verið með 200 grömm af amfetamíni í frystinum. Hún sagði að líklega hefði vinur hennar grafið amfetamínið niður í garði hennar en erfðaefni úr konunni fundust á umbúðunum utan um fíkniefnin sem voru í frystinum og garðinum að sögn Anna Søndergaard, saksóknara. TV Midvest skýrir frá þessu.

Søndergaard sagðist vera sátt við dóminn en hún krafðist þyngri refsingar en dómurinn virti konunni það til refsilækkunar að hún væri „lítill fiskur á stórum markaði“.