Sænski bloggarinn Anna Bey er 34 ára og búsett í London. Hún prýðir sig af því að kenna konum hvernig þær eiga að næla sér í ríka og vel menntaða karlmenn. Hún heldur úti YouTube-síðunni School Of Affluence og samnefndum „netskóla“ sem hún lýsir sem elítuskóla „fyrir dömur sem sækjast eftir fáguðu líferni.“
Sjá einnig: Kennir konum hveranig á að næla sér í ríka karlmenn
Í nýju myndbandi fer hún yfir fimm orð eða frasa sem eru „turn off“ fyrir „hágæða karlmenn.“
Anna segir að konur eigi ekki að kalla karlmenn „litla barnið mitt“ eða „litli strákurinn minn“ því það minnir þá á móður þeirra.
„Svo annað, reyndu að forðast að nota barnarödd. Sumir karlmenn eru hrifnir að því en fyrir flesta þá er það aðeins of mikið og getur verið svaka „turn off“.“
Anna segir að konur eigi að forðast að kalla kærasta sína „gaur“ eða „maður“ þar sem það hljómi of „karlmannlegt“ og það sé ekki „nógu kvenlegt.“
„Það sem ég á við er, ekki segja: „Hvað segirðu gaur?“ eða „Hey maður“ eða „Hey gaur“. Ekki tala við hann eins og hann sé vinur þinn eða félagi. Við viljum halda honum sem karlmanni og halda okkur sjálfum sem kvenmönnum.“
Anna segist sjálf hafa gerst sek um þetta, þar til kærasti hennar bað hana um að hætta því.
Anna segir að konur eigi ekki að nota orð eins og „bro“ eða „homie“. Hún segir að það sé hvorki „fágað né kvenlegt.“
„Eitt sem getur pirrað karlmenn er þegar kærasta þeirra segir alltaf: „Ég veit ekki“ […] Það er allt í lagi að vita ekki hvað þú vilt stundum, en ef þú ert stöðugt að segja þetta þá byrjar fólki, sérstaklega karlmönnum, að þykja þú bara vera eins og tóm skel,“ segir hún og hvetur konur til að byrja að vera ákveðnari, strax í dag.
„Sumir karlmenn eru hrifnir að þessu en bara agnarlítill hluti,“ segir hún.
„Flestum karlmönnum finnst þeir vera pabbar þegar þeir eru kallaðir pabbar.“
Horfðu á myndbandið í heild sinni hér að neðan.