Myndbandið sem um ræðir sýnir Kean þar sem hann er staddur úti á götu ásamt fólki. Hann virðist vera að reyna að koma í veg fyrir slagsmál milli stelpu og stráka og stígur á milli þeirra. Þá kýlir annar strákurinn í Kean og virðist knattspyrnumaðurinn ekki vera sáttur með það. Strákurinn reynir að kýla aftur í Kean en þá bakkar Kean og kýlir hann til baka og liggur strákurinn í jörðinni eftir það. Kean hættir þó ekki og kýlir strákinn aftur á meðan hann reynir að standa upp.
Myndbandið sem um ræðir má sjá hér fyrir neðan:
Moise Kean just laid someone out 😭😭 pic.twitter.com/5GiHGCfCtq
— Az (@Azdaviss) August 9, 2020
Þetta er ekki í fyrsta skipti sem Kean kemst í sviðsljósið fyrir annað en fótbolta. Hann kom sér nýlega í vandræði eftir að myndband af honum að brjóta reglur er varðar útgöngubann í Bretlandi fór í umferð. Þá var Kean með gleðskap heima hjá sér en hann bauð vinum sínum í heimsókn og ákvað svo að bóka strippara.
