Helstu breytingar á fylgi flokka frá síðustu mælingu eru að Miðflokkurinn, Sósíalistaflokkurinn og Vinstri græn auka fylgi sitt en Samfylkingin tapar fylgi, samkvæmt Þjóðarpúlsi Gallup.

Fylgi Samfylkingarinnar minnkar um þrjú prósentustig milli mælinga eftir mikla fylgisaukningu í janúar, en næstum 15% þeirra sem taka afstöðu segjast myndu kjósa flokkinn færu kosningar til Alþingis fram í dag.

Fylgi Miðflokksins eykst um nær tvö prósentustig en rúmlega 14% segjast myndu kjósa flokkinn nú.

Fylgi Sósíalistaflokksins eykst um tæplega tvö prósentustig, en 5% segjast myndu kjósa flokkinn, og fylgi Vinstri grænna eykst um rösklega eitt prósentustig en nær 12% segjast myndu kjósa flokkinn nú.

Fylgi annarra flokka breytist lítið milli mánaða, eða um 0,0-0,8 prósentustig.

• Sjálfstæðisflokkur – 22%
• Samfylking – 12,8%
• Miðflokkur – 12,2%
• Vinstri græn – 11,9%
• Píratar – 10.7%
• Viðreisn – 10.3%
• Framsókn – 7%
• Sósíalistaflokkur – 5%
• Flokkur fólksins – 4%

Sjálfstæðisflokkur+Framsókn+VG= 40.8%

Stuðningur við ríkisstjórnina eykst um nær tvö prósentustig milli mælinga og segjast rúmlega 48% þeirra sem taka afstöðu styðja hana.

Spurt var: Ef kosið yrði til Alþingis í dag, hvaða flokk myndir þú kjósa? En hvaða flokkur yrði líklegast fyrir valinu? Hvort er líklegra að þú kysir Sjálfstæðisflokkinn eða einhvern hinna flokkanna? Styður þú ríkisstjórnina?

Niðurstöður sem hér birtast um fylgi flokkanna á landsvísu eru úr netkönnun sem Gallup gerði dagana 3. febrúar til 1. mars 2020. Heildarúrtaksstærð var 7.964 og þátttökuhlutfall var 53,8%. Vikmörk á fylgi við flokka eru 0,1-1,4%. Einstaklingar í úrtaki voru handahófsvaldir úr Viðhorfahópi Gallup.