Andros Townsend, kantmaður Crystal Palace var spilafíkill. Hann segir frá því hvernig hann tapaði sjö milljónum, á einu kvöldi. Að leggja undir á kappleiki er stór hluti af hefðum Í Bretlandi.
,,Ég hef aldrei drukkið, aldrei notað eiturlyf, ég hef aldrei farið inn á skemmtistað. Ég tapaði samt 46 þúsund pundum eitt kvöld í rúminu,“ sagði Townsend.
,,Ég fór ekki úr herberginu mínu. Ég var á hóteli í Blackpool,“ sagði Townsend en atvikið átti sér stað árið 2012, hann var á láni hjá Birmingham frá Tottenham.
,,Ég man hvar ég gerði mitt fyrsta veðmál, mér leiddist á hóteli kvöldi fyrir leik. Ég sá auglýsingu í sjónvarpi. Eftir nokkra mánuði, hafði ég misst öll tök. Ég tapaði og tapaði, ég var algjörlega háður þessu.“
Hann rifjar upp kvöldið þar sem hann tapaði 7 milljónum. ,,Ég var í rúminu og gat ekki sofnað fyrir þennan stórleik, ég var alltaf að kíkja í símann og leggja undir. Ég tapaði 46 þúsund pundum á einu veðmáli.“
Hann fór í meðferð vegna vandamálsins og segir það hafa bjargað ferli sínum.
