Paul Gascoigne, fyrrum leikmaður enska landsliðsins situr í dómsal í dag vegna ákæru frá konu. Hún kærir hann fyrir atvik sem átti sér stað í lest á milli York og Newcastle á síðasta ári.
Gascoigne hefur glímt í mörg ár við áfengisvandamál, þetta kvöld var hann ölvaður um borð í lest.
Konan sakar um að hafa sest ofan á sig og síðan kysst sig án hennar vilja.
Fyrir framan dómara í dag kom fram að lögreglan hafi yfirheyrt Gascoigne skömmu eftir atvikið. Hann sagðist hafa kysst feitabollu í lestinni, hann hafi viljað hressa hana við eftir að aðrir voru að gera grín af þyngd hennar.
Gascoigne tjáði lögreglu að hann hefði síðustu 20 ár verið fórnarlamb í svona málum, mikið af konum hafi verið að kyssa hann án hans leyfis.
Konan kveðst hafa yfirgefið lestina í áfalli, hún segist ekki hafa vitað hver Gascoigne væri. ,,Munnurinn minn var lokaður, hann seti varir sínar yfir mínar. Þetta voru fimm sekúndur, ég grét um leið og þessu lauk. Ég var í áfalli,“ sagði konan fyrir framan dómara í dag.