Neymar hefur orðið fyrir enn einu áfallinu eftir að hafa meiðst aðeins nokkrum dögum eftir að hann var valinn í HM-hóp Brasilía.

Brasilíska stjarnan, sem er 34 ára, glímir við væg meiðsli í kálfa og var ekki með Santos í leik liðsins gegn San Lorenzo í vikunni.

Læknir Santos, Rodrigo Zogaib, segir þó að ekki sé um alvarleg meiðsli að ræða og að Neymar ætti að vera klár í slaginn fljótlega.

„Þetta er lítil bólga í kálfanum en samkvæmt áætlun ætti hann að vera orðinn klár í næstu viku,“ sagði Zogaib.

Meiðslin koma á óheppilegum tíma, en val Neymar í landsliðið hafði þegar vakið athygli þar sem hann hefur aðeins spilað 15 leiki á tímabilinu eftir langvarandi hnémeiðsli.

Þrátt fyrir það hefur þjálfarinn Carlo Ancelotti lagt áherslu á mikilvægi reynslu hans fyrir liðið.