„Ég er hugsi; Varð vitni að syni (maður yfir fimmtugu) tala niður til aldraðar móður sinnar. Fólk verður ekki vitlaust eða réttlaust þótt það eldist.“
Þetta segir Lára Ómarsdóttir fjölmiðlamaður í stuttri hugvekju á Facebook-síðu sinni. Hún segir að konan hafi átti skilið meiri virðingu og sama megi segja um marga aldraða.
„Þessi kona var alveg með fullu viti, í það minnsta gat ég ekki séð betur. Hún átti skilið meiri virðingu. Sama má segja um marga aðra aldraða, sem því miður, oft er komið fram við af vanvirðingu, eins og þau skilji ekki heiminn.“
Þá segir Lára að lokum:
„En hver skilur heiminn betur en sá /sú sem hefur lifað? Á fólk ekki skilið að á það sé hlustað og komið fram við af virðingu, óháð aldri þess?“
