100.000 fullorðnir Frakkar tóku þátt í rannsókninni sem náði yfir níu ára tímabil. Niðurstöður hennar eru tölfræðilega mikilvægar.
„Það kemur kannski á óvart en það hinar auknu líkur á krabbameini við mikla neyslu sykraðra drykkja komu einnig fram hjá þeim sem drukku hreinann ávaxtasafa. Þetta þarfnast frekari rannsókna.“
Hefur CNN eftir Ian Johns, næringarsérfræðingi.
En það er kannski ekki algjört svartnætti framundan fyrir þá sem drekka gosdrykki og ávaxtasafa því hér er það sykurinn sem á hlut að máli. Ekkert samhengi fannst á milli aukinnar hættu á að fá krabbamein og neyslu sykurlausra gosdrykkja.
„Þegar maður drekkur mikið af vökva með sykri aukast líkurnar á ofþyngd og hún eykur líkurnar á krabbameini.“
Hefur CNN eftir Mathilde Touvier, aðalhöfundi rannsóknarinnar.
Vísindamennirnir leggja þó áherslu á að það beri að túlka niðurstöðurnar með ákveðinni varúð því neysla þátttakenda í rannsókninni á sykurlausum gosdrykkjum hafi verið mjög lítil.
Rannsóknin skýrir ekki hvort auknar líkur á krabbameini séu afleiðing þess að drekka sykraða drykki eða hvort undirliggjandi heilbrigðisvandamál komi við sögu.
„Rannsóknin veitir ekki fullkomið svar um tengsl sykurs og krabbameins en sýnir mikilvægi þess að draga úr neyslu sykurs.“
Hefur CNN eftir Amelia Lake, hjá Teesside háskólanum.