Mikil aukning var á sölu hrossakjöts í maí síðastliðnum miðað við maí í fyrra, eða tæplega sjötíu prósent. Í maí síðastliðnum seldust tæp 25,6 tonn af hrossakjöti frá afurðastöðvum samkvæmt tölum Búnaðarstofu Mast. Sagt er frá þessu á vef Bændablaðsins.
Ársfjórðungssala á hrossakjöti er nú orðin tæp 109 tonn sem er rúm tvöföldun á milli ára. Miðað við heilt ár þýðir það ellefu prósenta aukning í sölu á hrossakjöti en árssalan er um 692 tonn.
Í frétt Bændablaðsins er bent á að vaxandi áhugi virðist vera á hrossakjöti ef marka má sölutölur en að sala á hrossakjöti sé aðeins um 2,4 prósent af heildarsölu kjötafurða frá íslenskum bændum.